Oahu Transit Services, Inc. (OTS) ket addaan iti napasnek a panagkumit iti komunidad a pagserserbianmi ken kadagiti empleadomi. Kas maysa nga pagtrabahuan iti agpapada a gundaway, ikagkagumaanmi ti maaddaan iti trabaho a mangyanninaw iti komunidad a pagserserbianmi. Awan ti tao a saan a nainkalintegan a mailaksid kadagiti gundaway iti panggedan a naibatay iti puli, kolor, relihion, nasional a nagtaudan, sekso (agraman ti seksual a panagannayas, pakabigbigan ti sekso, ken panangyebkas iti sekso), panagsikog ken dagiti medikal a kasasaad a mainaig iti panagsikog, edad, genetiko nga impormasion, pisikal wenno mental a disabilidad, kasasaad ti beterano, kasasaad ti biktima ti kinaranggas iti pagtaengan wenno seksual a kinaranggas, kasasaad ti panagasawa , pannakaaresto ken rekord ti korte, desision ti salun-at ti panagpaadu, panagpasuso, pakasaritaan ti panagutang, pannakipaset ti nasional a guardia, wenno dadduma pay a nasalakniban a klase.

Ti patakaran ti OTS iti Equal Employment Opportunity (EEO), wenno Agpapada a Gundaway iti Panagtrabaho ket agaplikar kadagiti amin nga aramid ti panggedan, agraman ngem saan a limitado iti panagrekrut, panagawat, panagpili para iti panagsanay, pannakaitandudo, pannakayakar, pannakaibaba, pannakasesante, pannakaikkat iti trabaho, rates ti sueldo wenno dadduma pay a porma ti kompensasion.

Dagiti empleado wenno aplikante iti trabaho a mamati a nakapadasda iti diskriminasion iti panggedan ket addaan karbengan a mangidarum iti EEO Officer ti OTS. Ti panagibales iti maysa nga indibidual ngaa agdarum iti reklamo ti diskriminasion, makipaset iti proseso ti diskriminasion iti panggedan (kas iti imbestigasion wenno darum), wenno iti sabali a pamay-an makipaset iti nasalakniban nga aktibidad ket nainget a maiparit ken saan a maipalubos.

Nakumikom ti OTS a mangipaay iti nainkalintegan a pagdagusan, awan ti di umiso a rigat, kadagitiaplikanteken empleado a kasapulan dagitoy gapu iti kinabaldado, panagsikog, panagpasngay, wennomainaig a medikala kasasaad, kasasaad a biktima ti kinaranggas iti pagtaengan wenno seksual, wenno tapno agpraktis wenno agpaliiw ti relihionda.

Kas Presidente ken General Manager ti OTS, taginayonek ti pakabuklan a responsibilidad ken panagsungbat para iti panagtungpal ti OTS iti Patakaran ken Programa ti EEO- na . Tapno masigurado ti inaldaw a panangtarawidwid, agraman ti panagsagana iti programa, panangmonitor, ken panagimbestigar iti reklamo, dinutokak ni Letha DeCaires, Direktor ti Sibil a Karbengan, letha.decaires@thebus.org, kas EEO Officer ti OTS. Direkta nga agreport kaniak ni Ms. DeCaires ken agtignay nga adda autoridadko iti amin a lebel ti management, labor union, ken empleado.

Amin nga ehekutibo ti OTS, manedyer, ken superbisor a kamkameng, nupay kasta, ket mangibaklay iti responsabilidad iti panangipatungpal ken panangmonitor iti Patakaran ken Programa ti EEO ti OTS iti uneg ti bukodda a lugar ken maitudingda kadagiti espesipiko nga aramid tapno masigurado a maragpat ti panagtungpal. Usigen ti OTS ti naaramidan dagiti manedyer ken superbisorna iti naballigi a pannakaipatungpalda kadagiti pagalagadan ken pamay-an ti OTS iti isu met laeng a wagas a panangtingiting ti OTS iti panagaramidda maipapan kadagiti kalat ti dadduma nga ahensia.

Ti OTS ket naikumit a mangaramid ken mangbukel iti naisurat a programa ti saan a panangidumduma a mangikeddeng kadagiti pagalagadan, aramid ken pamay-an, nga addaan kadagiti kalat ken eskediul ti oras, a nakaikumit ti ahensia ken mangaramid iti Programa ti EEO a magun-od para iti panangsukimat ti aniaman nga empleado wenno aplikante para iti panggedan no kiddawenda.

Siak ket personal a naikumit iti maysa a pagtrabahuan nga agtigtignay iti inaldaw a pagrebbenganna a mangtrato kadagiti amin nga aplikante ken empleado buyogen ti dignidad ken panagraem, kasta met a patas iti sidong dagiti pagannurotan ti Patakaran ken Programatayo iti EEO.